ممبئی (آن لائن)بھارت کا ہیلی کاپٹر گرکر تباہ ہوگیا جس کے بعد آگ بھڑک اٹھی ، ہیلی کاپٹر تباہ ہونے سے ایک شخص ہلاک اور تین زخمی ہوگئے ,یہ ہیلی کاپٹر ممبئی کی آرے کالونی میں گرا جس کے بعد فائربریگیڈ کی ٹیمیں موقع پر پہنچ گئیں اور امدادی کارروائیاں شروع کردیں۔

بھارتی میڈیا کے مطابق حادثہ اتوارکی دوپہر ممبئی کے نواح میں گڑگاؤں کے علاقہ میں پیش آیا۔ایک نجی کمپنی کا ہیلی کاپٹرمسافروں کوتفریح کیلئے لیکرجارہاتھا کہ ممبئی کے قریب گر کر تباہ ہوگیا۔

اہل علاقہ نے تباہ شدہ ہیلی کاپٹرسے دھواں اٹھتے دیکھ کر پولیس اورفائربریگیڈ کومطلع کیا۔ عینی شاہدین کے مطابق ہیلی کاپٹر مکمل طورپرجل کرتباہ ہوگیا۔رابنسن آر44آسٹروماڈل ہیلی کاپٹر کو رائل پامز کے قریب فٹلر پاڈا کے علاقے میں حادثہ پیش آیاجس کے بعد زخمیوں کو ہسپتال منتقل کردیاگیا۔