نئی دہلی (این این آئی)امریکی وزیردفاع ایشٹن کارٹرنے کہاہے کہ بھارت کو جلد سب سے بڑے دفاعی پارٹنر کا رتبہ دے دیا جائے گا، امریکا اور بھارت کا اسٹریٹجک پارٹنر بننا تقدیر کا لکھا ہے۔میڈیارپورٹس کے مطابق امریکی وزیردفاع سرکاری دورے پر بھارتی دارلحکومت نئی دہلی پہنچ گئے ،میڈیاسے بات چیت کرتے ہوئے انہوں نے کہاکہ وہ بھارتی حکام سے سب سے بڑے دفاعی پارٹنر کا اسٹیٹس دیے جانے کے اثرات پر بات کریں گے۔
اوباما انتظامیہ اور امریکی کانگریس بھارت کو یہ رتبہ دینے کی منظوری دے چکے ہیں اور سینیٹ سے اس کی منظوری جلد متوقع ہے۔بل کے تحت بھارت سے سیکیورٹی اور دفاعی تعاون بڑھایا جائے گا، ایشٹن کارٹر نے مزید کہا کہ گزشتہ چند برسوں میں امریکا اور بھارت کے تعلقات نے کئی منازل طے کی ہیں اور اب انھیں نئی بلندیوں پر لے جایا جائے گا۔