اسلام آباد (مانیٹرنگ ڈیسک) زندگی میں مسلسل روانی اور اس روانی میں ہر آنے والے سیکنڈ کے ساتھ رونما ہونے والا کوئی نیا واقعہ کبھی کبھی انسان کو اس قدر حیران کردیتا ہے کہ عقل انسانی دنگ رہ جاتی ہے ۔ حیات وممات کے راز دنیا میں سب سے زیادہ اسرار کے حامل راز ہیں ۔انسانی زندگی بہت مختصر ہے ۔شروع ہوتی ہے اور ختم ہو جاتی ہے ۔ درمیان میں احساس تک نہیں ہوتا کہ سفر کتنا تھا جو ہم نے طے کر بھی لیا اور ہمیں

پتہ بھی نہیں لگا ۔عقل کو حیران کر دینے والا واقعہ سعودی عرب میں پیش آیا جہاں 70سالہ بنگلہ دیشی مزدلفہ میں دواران حج انتقال کر گیا ۔ حج کے دوران بے انتہا رش کی وجہ سے اس شخص کی لاش 2ماہ تک کسی کی نظروں میں نہ آسکی تاہم سعودی حکام کے مطابق 2ماہ بعد ملنے والی لاش ایسی حالت میں تھی کہ جس نے بھی دیکھا وہ حیران رہ گیا ۔ حکام کے مطابق اس لاش میں گلنے سڑنے کے آثار تک نہیں تھے اور وہ بالکل درست حالت میں موجود تھی۔سعودی پولیس سے ملنے والی تفصیلات کے مطابق ایک سعودی شہری کو مزدلفہ کے

پہاڑی علاقے سے گزرتے ہوئے لاش نظر آئی جس پر اس نے پولیس کو اطلاع دے دی۔پولیس نے لاش قبضے میں لے کر تحقیقات شروع کردیں۔ابتدائی تحقیقات کے مطابق حاجی بنگلہ دیشی ہے اور دو ماہ پہلے حج کے دوران فوت ہوا تھاجس کی عمر 70 سال کے قریب ہے۔ وفات پاجانے والے حاجی سے متعلق مزید معلومات اکٹھی کی جارہی ہیں۔