اسلا م آباد (مانیٹرنگ ڈیسک) تازہ ترین میڈیا رپورٹس کے مطابق اب بھارتی خواتین سرحدوں پر نگرانی کے فرائض سرانجام دیں گی ۔تفصیلات کے مطابق اب بھارتی خواتین بھی سرحد وں کی نگرانی کے فرائض انجام دیں گی۔ ذرائع کے مطابق بھارت نے چین کے ساتھ سرحد کے اگلے مورچوں پر پہلی بار بارڈر پولیس کی سو خواتین اہلکاروں کو تعینات کردیاہے ۔ایک غیر ملکی ویب سائٹ کے مطابق انڈو تبت بارڈر پولیس کی 100خواتین کانسٹبلز لداخ،سکم،ہیماچل پردیش،اترکھنڈ اور اروناچل پردیش کے15 اگلے مورچوں پر فرائض انجام دیں گی،سطح سمندر سے 14 ہزار فٹ تک بلندی پر واقع اگلے مورچوں پر تعیناتی کے لئے 5 سو خواتین کو خصوصی تربیت دی گئی ہے۔بارڈر پولیس حکام کے مطابق مزید خواتین اہلکاروں کو بھی جلد اگلے مورچوں پر تعینات کردیا جائے گا۔ذرائع کا یہ بھی کہنا ہے کہ سرحد پر خواتین کو تعینات کرنے کے اگلے فیز میں بھارتی خواتین کو پاکستان کی سرحدوں پر بھی بھیجا جائے گا ۔

موضوعات:بھارتی آرمی