بیجنگ(مانیٹرنگ ڈیسک) چین نے تصدیق کی ہے کہ وہ پاکستان کو 8 جنگی آبدوز دینے کے پراجیکٹ پر کام کر رہی ہے۔ چین کے بڑے انگریزی اخبار پیپلز ڈیلی کے مطابق کارپوریشن کے چیئرمین ہیو وین مینگ نے معاہدے کی تفصیلات پر تبادلہ خیال کیلئے ایک کانفرنس کا انعقاد کیا۔ان کا کہنا تھا کہ کانفرنس کا مقصد چین کے صدر ژی جن پنگ کی جانے والی تقاریر سے پیدا ہونے والے جذبے کو جاری رکھنا ہے ۔ برطانوی اخبار رائٹرز نے رواں سال اپریل میں ایک رپورٹ میں کہا تھا کہ پاکستان کے وزیراعظم نواز شریف نے چین کے ساتھ ایک معاہدہ کیا ہے جس پر دستخط ہوئے تو یہ معاہدہ چین کی جانب سے سمندر پار اسلحہ کی فروخت سے متعلق سے سب سے بڑا معاہدہ ہو گا جو تقریبا 4 سے 5 بلین امریکی ڈالر کا ہو گا ۔چین کا بنگلہ دیش کو قابو کرنے کے بعد ایک اور ہمسایہ ملک کیلئے ایسا شاندار اعلان کہ جان کر مودی کو دن میں تارے نظر آجائیں گے ذرائع کے مطابق ان میں سے 4 آبدوزیں کراچی شپ یارڈ اینڈ انجینئرنگ ورکس پر تیار کی جائیں گی جبکہ باقی 4 آبدوزیں چین میں تیار ہوں گی۔ چین کی وزارت خارجہ کے ترجمان ہوا شون ینگ سے گزشتہ سال جب اس معاہدے سے متعلق پوچھا گیا تو ان کا کہنا تھا کہ پاکستان اور چین یک ثقافتی دوست اور ہمسایہ ممالک ہیں اور مختلف شعبہ جات میں قریبی تعاون کرتے ہیں، فوجی صنعت اور تجارت میں دونوں ممالک کا تعاون بین الاقوامی سطح پر کئے گئے عزم کے مطابق ہے