بیجنگ(آن لائن) چینی تھنک ٹینک نے کہا ہے کہ بھارت کا پاکستان کیساتھ سرحد سیل کرنے کا فیصلہ غیر منطقی ہے جبکہ اس پر عملدرآمد سے بھارت سے تعلقات مزید پیچیدہ ہو جائینگے۔چینی میڈیا رپورٹ میں بین الاقوامی تعلقات شنگھائی اکیڈمی تھنک ٹینک انسٹیٹوٹ کے ایک عہدیدار ہوژاؤ ونگ کا حوالہ دیتے ہوئے کہا گیا ہے کہ بھارت نے پاکستان کے ساتھ سرحد سیل کرنے بالکل غیر منطقی فیصلہ کیا ہے، کیونکہ اڑی حملے کی تحقیقات میں ایسے کوئی ٹھوس شواہد سامنے نہیں آئے کہ حملے میں پاکستان ملوث ہے، انہوں نے کہا کہ یہ فیصلہ بھارت کی سردجنگ ذ ہنیت کا عکاس ہے اور مقبوضہ کشمیر کے عوام میں نفرت کو مزید گہرا کر دیگا، انہوں نے کہا کہ پاکستان چین ایک دوسرے کے ہر مشکل گھڑی میں آزمائش پر پورا اترنے والے دوست ہیں اور بھارت کا یہ فیصلہ بیجنگ ، نئی دہلی تعلقات کو مزید پیچیدہ بنا دیگا، انہوں نے کہا کہ مسئلہ کشمیر کا پرامن حل چین خصوصاً اسکے مغربی خطوں کی ہوم لینڈ سیکیورٹی کے بھی مفاد میں ہے۔

موضوعات:چین