نیو یارک (مانیٹرنگ ڈیسک) نیویارک پولیس کے مسلم افسران کی سوسائٹی وفد فریضہ حج کی ادائیگی کے لئے جدہ روانہ ہو گیا۔ وفد میں پچاس کے قریب پولیس افسران اور ان کے اہل خانہ شامل ہیں۔این وائی پی ڈی مسلم افسر سوسائٹی کے صدر کیپٹن عدیل رانا اور سابق صدر سارجنت محمد ناصر نے وفد کو جے ایف کے کینڈی ائرپورٹ پر رخصت کیا۔ اس موقع پر نہایت روح پرور منظر تھا ، کیپٹن عدیل رانا نے اس موقع پر میڈیاسے بات چیت کرتے ہوئے بتایا کہ امریکہ میں مسلم پولیس افسران اپنی پوری شناخت کے ساتھ اپنے فرائض انجام دیتے ہیں ، اس سلسلے میں انہیں ہر شعبے سے مکمل تعاون حاصل ہے۔انہوں نے بتایا کہ مسلم پولیس افسران کا یہ دوسرا وفد فریضہ حج کی ادئیگی کے لئے روانہ ہوا ہے ، گزشتہ برس جانے والے وفد میں وہ خود بھی شامل تھے جسے سعودی حکومت نے خصوصی پروٹوکول دیا تھا ، جس کے نتیجے میں نیویارک پولیس اور سعودی پولیس کے درمیان بہترین تعلقات قائم ہوئے اور دونوں ایک دوسرے کے تجربات سے استفادہ کرنے لگے ہیں #/s#

موضوعات:حج سعوی عرب