فیصل آباد.. کوٹ لکھپت جیل فیصل آباد میں سزائے موت کا ایک قیدی دماغ کی شریان پھٹنے کے باعث دم توڑ گیا۔
فیصل آباد کی کوٹ لکھپت جیل میں قید مجرم عمررشید کوگزشتہ روزطبی امداد کے لیے جناح اسپتال لایا گیا تھا، جہاں دورانِ علاج منگل کو وہ دم توڑ گیا۔
عمر رشید فیصل آباد کے علاقے والٹن روڈ کا رہائشی تھا اور اس کے خلاف قتل کا مقدمہ درج تھا۔
ڈاکٹروں کا کہنا ہے کہ کسی گہرے صدمے کے باعث مجرم عمر رشید کے دماغ کی شریان پھٹ گئی، جو اس کی موت کی وجہ بنی۔
ہلاک قیدی کی لاش کو پوسٹ مارٹم کے بعد اس کے ورثاء کے حوالے کردیا جائے گا۔
یاد رہے کہ رواں ماہ 20 دسمبر کو سینٹرل جیل سکھر میں بھی سزائے موت کا ایک قیدی نظام الدین دل کا دورہ پڑنے سے ہلاک ہوگیا تھا۔
واضح رہے کہ سانحہ پشاور کے بعد وزیراعظم نواز شریف نے سزائے موت پر عائد پابندی اٹھانے کا اعلان کیا تھا، جس کے بعد خطرناک دہشت گردوں کی پھانسی کا عمل دوبارہ شروع کردیا گیا ہے۔
