اسلام ا باد۔۔۔۔۔ پاکستانی نڑاد برطانوی باکسر عامر خان نے سلور لائٹ ویلٹر ویٹ ٹائٹل پشاور کے شہدا کے نام کردیا۔اسلام ا باد میں پریس کانفرنس کرتے ہوئے پاکستانی نڑاد باکسرعامر خان کا کہنا تھا کہ پاکستان دہشت گردی کے خلاف جنگ لڑ رہا ہے اور مشکل کی اس گھڑی میں قوم کا ساتھ دینے آیا ہوں ، پاکستان میں تعلیم اور ترقی کے میدان میں ہر ممکن مدد کیلئے ہر وقت تیارہوں ، ۔ انہوں نے کہا کہ وہ دکھ کی اس گھڑی میں متاثرہ خاندانوں کے ساتھ ہیں اگر پاکستانی حکومت کو بچوں کی تعلیم کے لئے ان کی خدمات کی ضرورت پڑیں تو وہ اس کے لئے ہر وقت تیار ہیں۔پاکستانی نڑاد باکسر نے حال ہی میں امریکی باکسر ڈیوون الیگزینڈر کو شکست دے کر جیتا گیا سلور لائٹ ویلٹر ویٹ ٹائٹل بھی شہدا پشاور کے نام کردیا جب کہ اس سے قبل انہوں نے 30 ہزار پاؤنڈ مالیت کا سونے کا شارٹ ا?رمی پبلک اسکول کے شہدا کے لواحقین کو دینے کا اعلان کیا تھا۔واضح رہے کہ پاکستانی نڑاد برطانوی باکسر عامر خان نے 14 دسمبر کو امریکا کے شہر لاس ویگاس میں امریکی حریف ڈیوو الیگزینڈر کو شکست دے کر سلور لائٹ ویلٹر ویٹ ٹائٹل اپنے نام کیا تھا اور اسی فائٹ میں انہوں نے 30 ہزار پاؤنڈ مالیت کا سونے سے بنا شارٹ پہنا تھا۔