لاہور (این این آئی) 6ارب سے زائدشہریوں کی ای چالانزکی وصولی،ایکسائز سے مدد کے لئے رابطہ کر لیا گیا۔بروقت اقدامات کے لئے سی ٹی او لاہور ڈاکٹر ا طہر وحید نے مراسلہ ڈی جی ایکسائز کو بھجوا دیا جس کے مطابق ای چالانز کلیئر کروانے تک رجسٹریشن وٹرانسفرکی سہولت نہ دی جائے۔مراسلہ میں تحریر کیا گیا کہ صوبہ میں روزانہ ہزاروں کی تعدادمیں گاڑیاں وموٹرسائیکلیں رجسٹرڈوٹرانسفرہوتی ہیں، گاڑیوں کی ٹرانسفرپرمالکان سیای چالانزکی وصولی کی جائے۔
نئی گاڑی کی رجسٹریشن کے لئے اگرشہری کے ذمہ واجبات ہیں تووصولی کرکیاجازت دی جائے،ایکسائزکی جانب سے وصولیوں سے بڑی حد تک ای چالانز کلیئرنس میں مدد ملے گی۔سی ٹی اولاہور ڈاکٹر اطہر وحید کا کہنا تھا کہ پولیس کی تمام سہولیات ای چالانزکی ادائیگی تک فراہم نہیں کی جارہی، ایکسائز کے ساتھ پہلے بھی وصولی کے لئے سیف سٹیز اتھارٹی رابطہ میں ہے۔
