کراچی (این این آئی)نجکاری کمیشن ایک بار پھر پی آئی اے کیلئے غیر ملکی سرمایہ کار گروپ کی دلچسپی حاصل کرنے میں ناکام ہوگیا۔ ذرائع کے مطابق پی آئی اے کی دوبارہ نجکاری کیلئے کوششیں جاری ہیں تاہم نجکاری کمیشن کو ایک بار پھر غیرملکی گروپس کو راغب کرنے میں ناکامی کا سامنا ہے۔

قومی ائیرلائن کی نجکاری کے معاملے میں ملک کے بڑے کاروباری گروپس کو بھی نجکاری کے اگلے مرحلے سے آئوٹ کردیا گیا ہے، نجکاری کیلئے صرف 8کنسورشیم کی درخواست سامنے آئی جس میں 5کو شارٹ لسٹ کیا گیا جبکہ 3گروپس کو باہر کردیا گیا۔شارٹ لسٹ کیے جانے والے پانچ گروپس میں ائیربلیو، ائیرسیال کنسورشیم اور دیگر تین شامل ہیں۔واضح رہے کہ نجکاری میں پی آئی اے ملازمین کی جانب سے قومی ادارے کی خریداری کی درخواست بھی مسترد کردی گئی ہے۔