اسلام آباد (این این آئی)سینیٹ اجلاس میں تحریک انصاف کے سینیٹرمحسن عزیز نے حکومت پر شدید تنقید کرتے ہوئے کہاہے کہ ہمیں بیچ دیں،پارلیمنٹ کی عمارت بیچ دئیں لیکن ملک کیساتھ مذاق نہ کریں، ملک ڈیفالٹ ہوچکا ہے جبکہ وزیرمملکت عائشہ غوث نے ذمہ دارپی ٹی آئی حکومت
کوٹھہراتے ہوئے جواب دیا ہے کہ حکومتی فیصلوں کے اچھے اثرات آنے شروع ہوگئے ہیں۔ڈپٹی چیئرمین سینیٹ کی زیرصدارت سینیٹ اجلاس ہوا، ایوان میں اراکین نے مقبوضہ کشمیرمین بھارتی مظالم پر تشویش کا اظہارکیا اورشہداء کشمیر کیلئے دعا کی، ایوان نے کشمیریوں سیاظہاریکجہتی کیلئے معمول کی کارروائی موخرکرنے کا مطالبہ کیا توپی ٹی آئی سینیٹرمحسن عزیزنے مخالفت کی اورنکتہ اعتراض پربات کرتے ہوئے کہاکہ حکومت کوڑیوں کے مول ملک کوبیچناچاہتے ہیں بیچناہے ہمیں بیچیں،اس عمارت کوبیچ دیں ملک ڈیفالٹ ہوچکا ہے۔وزیرمملکت خزانہ عائشہ غوث پاشا نے جواب میں معاشی مسائل کا ذمہ دارپی ٹی آئی حکومت کوقراردیا کہاکہ سیاسی پوائنٹ اسکورنگ نہ کریں حکومتی فیصلوں کے اثرات آنے شروع ہوگئے ہیں۔رضاربانی اورفیصل جاوید سمیت دیگریوم استحصال کمشیرپراظہارخیال کرتے ہوئے سنجیدہ کوششیں اورواضح پالیسی بنانے پر زوردیا۔قائد ایوان اعظم نذیرتارڑ کی پیش کردہ پانچ اگست یوم استحصال کشمیر سے متعلق قرارداد متفقہ طورپرمنظورکی گئی جس میں پانچ اگست کے بھارتی اقدام کو غیرآئینی قراردیا گیا،بھارت نے عالمی قوانین کا مذاق اڑایا، کشمیرکی آزادی تک چین سے نہیں بیٹھیں گے۔
