جی 20 کانفرنس مقبوضہ کشمیر میں کرانے کی بھارتی کوشش کے خلاف چین میدان میں آ گیا

بیجنگ(این این آئی)چین نے بھارت کی جانب سے مقبوضہ کشمیر میں جی 20 اجلاس بلانے کی مخالفت کر دی۔

میڈیارپورٹس کے مطابق چینی وزارت خارجہ کے ترجمان نے اس حوالے سے کہا کہ مسئلہ کشمیر پرچین کا موقف مستقل اور واضح ہے،

مسئلہ کشمیر اقوام متحدہ کی سلامتی کونسل کی قراردادوں کے مطابق حل ہونا چاہیئے۔چینی ترجمان نے کہا کہ

علاقائی امن و استحکام کیلئے تنازعات کو بات چیت اور مشاورت سے حل کرنا چاہیئے، متعلقہ فریقین کو مسئلہ پیچیدہ بنانے

والے اقدامات سے گریز کرنا چاہیئے۔ترجمان چینی وزارت خارجہ نے مزید کہا کہ جی 20 بین الاقوامی اقتصادی اور مالیاتی تعاون کا سب سے بڑا فورم ہے،

تمام بڑی معیشتوں سے مطالبہ ہے عالمی معیشت کی مستحکم بحالی پر توجہ دیں، اقتصادی تعاون کو سیاسی رنگ دینے سے گریزکیا جائے۔

خیال رہے کہ بھارت کی جانب سے جی 20اجلاس اگلے سال جموں و کشمیر میں کرانے کا کہا گیا تھا۔