اسلام آباد (این این آئی) چیئرمین پاکستان تحریک انصاف وسابق وزیر اعظم عمران خان نے کہا ہے کہ حکومت بنی گالہ سیل کر کے مجھے نظر بند کرنا چاہتی ہے، مجھے نظر بند کیا جاتا تو عوام کا حوصلہ کم پڑ سکتا تھا،مارچ ختم کرنے کا مقصد فورسز اور کارکنوں میں تصادم سے

بچنا تھا، ہماری سیاسی تحریک پر امن ہے، حکومت پر تشدد بنانا چاہتی ہے۔بدھ کو پشاور میں سوشل میڈیا ٹیم سے ملاقات کے دوران سابق وزیراعظم عمران خان نے اپنے پشاور میں قیام کی وجہ بتاتے ہوئے کہا کہ حکومت بنی گالہ سیل کر کے مجھے نظر بند کرنا چاہتی ہے، حکومت کسی بھی طرح ہماری تحریک کو ناکام کرنا چاہتی ہے، مجھے نظر بند کرتے تو غیر موجودگی میں عوام کا حوصلہ کم پڑ سکتا تھا۔انہوں نے کہا کہ آزادی مارچ میں خود میدان میں نہ ہوتا تو کارکنوں کا جوش کم ہوتا، 2014 کی غلطیوں کو دہرا نہیں سکتا تھا، ڈی چوک پہنچ جاتا تو خونی تصادم کا خطرہ بڑھ جاتا۔انہوں نے کہا کہ مارچ ختم کرنے کا مقصد فورسز اور کارکنوں میں تصادم سے بچنا تھا، ہماری سیاسی تحریک پر امن ہے، حکومت پر تشدد بنانا چاہتی ہے۔سابق وزیر اعظم نے کہا کہ حکومت چاہتی ہے کہ ہم تشدد کی جانب آئیں لیکن ہمیں اس سے بچنا ہے، سپریم کورٹ فیصلے کے بعد قوم کو جلد نئی حکمت عملی سے آگاہ کروں گا۔ چیئرمین پاکستان تحریک انصاف وسابق وزیر اعظم عمران خان نے کہا ہے کہ حکومت بنی گالہ سیل کر کے مجھے نظر بند کرنا چاہتی ہے، انہوں نے کہا کہ کارکنوں سے اپیل کرتا ہوں کہ پر امن رہیں۔