نئی دہلی(نیوزڈیسک)بھارتی دارلحکومت نئی دہلی میں پولیس کی جانب سے مسجد کو شہیدکرنے کی کوشش پرنمازیوں نے پتھراﺅکردیاجس کے نتیجے میں دوپولیس اہلکار زخمی ہوگئے جس پر بھارتی پولیس کی بھاری نفری جائے وقوعہ پر پہنچ گئی اورپورے علاقے میں سرچ آپریشن کرکنے پولیس پر پتھراﺅکے الزام میں 14افرادکو گرفتارکرکے مقدمہ درج کرلیاگیا،بھارتی ٹی وی کے مطابق مشرقی دہلی کے علاقے نہروکیمپ کے قریب منڈاولی میں قائم ایک مسجد پراچانک بھارتی پولیس اہلکاروں نے دھاوابول دیا اورمقدس کتابوں کی بے حرمتی کے بھی مرتکب ہوئے جس پر مسجد میں موجود نمازیوں نے پولیس اہلکاروں کی گاڑیوں پر پتھراﺅ شروع کردیااس دوران دواہلکارزخمی ہوگئے،واقعہ کی اطلاع ملنے پر پولیس کی بھاری نفری جائے وقوعہ پر پہنچ گئی اورسرچ آپریشن شروع کرکے 14افرادکو گرفتارکرلیا،واقعے کے بعد علاقے کے مسلمانوں میں غم وغصہ پایاجاتاہے۔