اسلام آبا د(این این آئی)ہائی کورٹ میں وزیرِ اعظم عمران خان کو بیرونی ممالک سے ملنے والے تحائف کی تفصیل جاننے کے لیے نئی درخواست دائر کر دی گئی۔عدالتِ عالیہ نے وزیرِ اعظم توشہ خانہ تحائف کیس آئندہ ماہ سماعت کیلئے مقرر کر دیا۔درخواست گزار نے موقف اختیار کیا کہ انفارمیشن کمیشن نے حکومت کو تحائف کی تفصیل بتانے کی ہدایت کی جس پر عمل نہیں کیا جا رہا۔
اس موقع پر اسلام آباد ہائی کورٹ کے جسٹس میاں گل حسن نے درخوراست گزار سے استفسار کیا کہ آپ وزیرِ اعظم عمران خان کے تحائف کی تفصیل مانگ رہے ہیں، کیا آپ نے انہیں فریق بنایا ہے؟درخواست گزار کے وکیل نے جواب دیا کہ وزیرِ اعظم کو فریق نہیں بنایا گیا، توشہ خانے کے ذمے دار کابینہ ڈویڑن کو فریق بنایا گیا ہے۔
