ہنزہ (این این آئی)ہنزہ کے علاقے سوست میں پیٹرول مہنگا ہونے کے باعث دلہا سالوں پرانی ثقافت اپنانے پر مجبور ہوگیا اور ہمالین یاک پر بٹھا کر لے آیا ۔ہنزہ کے بالائی علاقے گوجال میں پاک چین سرحد کے قریب واقع گاؤں سوست میں پولیس اہلکارکی شادی تھی جس نے پیٹرول مہنگا ہونے کے باعث دلہن کو رخصتی کے بعد اپنے گھر لانے کیلئے سالوں پرانی ثقافت اپنالی،دلہا رخصتی کے بعد گھر آنے کیلئے نہ صرف خود ہمالین یاک پر سوار ہوا بلکہ دلہن کو بھی یاک پر بٹھا دیا۔اس موقع

پر دلہا نے کہا کہ پیٹرولمہنگا ہوگیا ہے اور وہ کسی بڑی گاڑی کا خرچہ بھی برداشت نہیں کرسکتا ، اس لیے ہم نے اپنی پرانی ثقات کو دوبارہ سے اپنایا ہے۔دلہا نے کہا کہ یاک پر سواری کی ایک وجہ پیٹرول کا مہنگا ہونا ہے اور دوسرا اپنی ثقافت کو دوبارہ زندہ کرنا ہے، بارات لانے کیلئے لوگوں نے نت نئے انداز اپنانا شروع کردئیے ہیں، پر ہم نے اپنی سالوں پرانی ثقافت کے تحت یاک کا انتخاب کیا۔دلہا کا کہنا تھا کہ شادی پر خوشی بھی ہو رہی ہے تاہم مہنگائی کی وجہ سے پریشانی بھی ہے۔