راولپنڈی (این این آئی) پاک فوج کے سربراہ جنرل قمر جاوید قمر جاوید باجوہ سے صلاح الدین ربانی کی سربراہی میں 8 رکنی افغان وفد نے ملاقات کی جس میں افغانستان کی تازہ ترین صورتحال پر تفصیلی تبادلہ خیال کیا گیا جبکہ پاک فوج کے سربراہ جنرل قمر جاوید نے
ایک بارپھر عزم کا اعادہ کیا ہے کہ پاکستان افغانستان کے ساتھ وسیع تر تعلقات کا خواہاں ہے،افغانستان میں دیرپا امن کیلئے ہر ممکن اقدامات کیلئے تیار ہیں۔ منگل کو آئی ایس پی آر کے مطابق آرمی چیف جنرل قمر جاوید باجوہ سے صلاح الدین ربانی کی سربراہی میں 8 رکنی افغان وفد نے ملاقات کی، وفد میں محمد یونس قانونی، استاد محمد کریم خلیلی، احمد ضیاء مسعود، استاد محمد محقق، احمد ولی مسعود، عبدالطیف پدرم اور خالد نور شامل تھے۔ ملاقات میں افغانستان کی تازہ ترین صورتحال پر تفصیلی تبادلہ خیال کیا گیا۔آرمی چیف جنرل قمر جاوید باجوہ نے اس موقع پر کہا کہ پاکستان افغانستان کے ساتھ وسیع تر تعلقات کا خواہاں ہے، افغانستان میں دیرپا امن کیلئے ہر ممکن اقدامات کیلئے تیار ہیں۔ انہوںنے کہاکہ افغانستان میں معاملات کے حل سے خطے میں دیرپا امن اور استحکام آئے گا۔آرمی چیف نے کہا کہ پاکستان افغانستان کے عوام کے ساتھ کھڑا ہے، افغان وفد نے پاک فوج کی قربانیوں اور کامیابیوں کو سراہا، اقر قرار دیا کہ پاک فوج کی افغانستان کی سماجی و اقتصادی ترقی اور امن کیلئے کوششیں قابل قدر ہیں، افغان وفد نے مستقبل کے حوالے سے اپنی آراء بھی پیش کیں۔
