شیخوپورہ (این این آئی)پنجاب کے ضلع شیخوپورہ میں مبینہ طور پر بروقت آکسیجن نہ ملنے سے کورونا کی 2 خواتین مریض دم توڑ گئیں۔نجی ٹی وی نے ذرائع کے حوالے سے کہا ہے کہ ایچ کیو ہسپتال میں آکسیجن آپریٹرکی غلطی 2انسانوں کی جان لے گی، ڈیوٹی ڈاکٹر بھی شور مچاتے رہے لیکن سلنڈرتبدیل کرنے والا آپریٹرنہ ملا۔جاں بحق مریضوں کی شناخت زاہدہ بی بی اور بشیراں بی بی کے نام م سے ہوئی ہے دونوں مریضوں کی حالت تشویشناک تھی۔فوکل پرسن کے مطابق زاہدہ بی بی کووینٹی لیٹرکی ضرورت تھی لیکن ورثا ء نہ مانے، دونوں مریضوں کے لواحقین کوان کی نازک حالت کاعلم تھا۔واقعے پر ڈی ایچ کیو انتظامیہ نے 4 ملازمین وارڈسرونٹس کو شوکاز نوٹس جاری کرتے ہوئے تحقیقات کا آغاز کر دیا ہے۔

موضوعات:دو خواتین