اسلام آباد(آن لائن) اساتذہ کی جانب سے بارہ کہو کے مقام پر احتجاج جاری، ضلعی انتظامیہ کی جانب سے مذاکرات کے لیے ڈی سی اسلام آباد موقع پر پہنچ گئے تاہم مظاہرین کی جانب سے مذاکرات کرنے سے مسلسل انکار کردیا گیا ہے۔, ڈی سی اسلام آبادحمزہ شفقات کا کہنا ہے

کہ مظاہرین کو کہا گیا ہے کہ وفاق کا نہیں پنجاب کا مسئلہ ہے۔ٹیچرز ہمارے لیے قابل احترام ہیں ان سے مذاکرات چاہتے ہیں۔مظاہرین کو پریس کلب میں بیٹھ کر معاملے پر بات کرنے کی دعوت دی ہے۔کسی بھی شہری کو امن و امان کی صورتحال خراب کرنے کی اجازت نہیں دیں گے, حمزہ شفقات نے کہا احتجاج ہر شہری کا حق ہے لیکن سڑک بلاک کرکے شہریوں کو تنگ کرنا نامناسب ہے۔ دوسری جانب ایک نجی ٹی وی چینل کی رپورٹ کے مطابق پنجاب کے سیکنڈری سکول اساتذہ احتجاجی مظاہرہ کرنے بنی گالہ پہنچ گئے، پولیس نے متعدد اساتذہ کو حراست میں لے لیا، عض اساتذہ کو احتجاج شروع کرنے سے پہلے ہی پولیس نے حراست میں لے لیا۔ ابھی مزید اساتذہ بھی احتجاج کیلئے پہنچ رہے ہیں۔ بتایا گیا ہے کہ احتجاج کرنے والے اساتذہ کا کہنا ہے کہ انہیں 2014ء میں تعینات کیا گیا تھا لیکن تاحال انہیں مستقل نہیں جارہا، ایک ٹیچر کا کہنا ہے کہ ہمیں بطور ایجوکیٹرز بھرتی کیا گیا لیکن تاحال مستقل نہیں کیا گیا، بلکہ توسیع کردی جاتی ہے، ٹیچر نے کہا کہ ہم پر شرط عائد کی گئی کہ پہلے پبلک سروس کمیشن کا ٹیسٹ اور انٹرویو پاس کرو پھر آپ کو مستقل کیا جائے گا۔