کراچی (این این آئی) جامعہ احسن العلوم کراچی کے مہتمم معروف علمی شخصیت شیخ الحدیث والتفسیر حضرت مفتی زر ولی خان انتقال کرگئے، مرحوم کراچی کے ہسپتال میں زیر علاج تھے،1978میں احسن العلوم کی دینی درسگاہ قائم کی، پوری زندگی درس وتدریس سے
وابستہ رہے،کئی کتب کے مصنف،ہزاروں علما کے استاذ، درس تفسیر وحدیث میں منفرد مقام حاصل تھا استفادہ کیلئے ملک بھر سے طلبہ آتے تھے۔ ضلع صوابی کے قصبہ جہانگرا1953 میں پیدا ہوئے، علوم الاسلامیہ علامہ بنوری ٹاون گرومندر سے سند فراغت حاصل کی، مولانا یوسف بنوری، مولانا عبداللہ کاکاخیل جیسے اکابرین آپ کے اساتذہ میں شامل ہیں۔ 1978 میں گلشن اقبال کراچی میں احسن العلوم کے نام سے مدرسہ قائم کیا، پوری زندگی درس وتدریس کے شعبہ سے وابستہ رہے، آپسے درس تفسیر پڑھنے کیلئے پورے ملک کے علما طلبہ ہر سال جامعہ احسن العلوم میں آتے ہیں، کئی کتب کے مصنف اور بہترین خطیب تھے،جامعہ بنوریہ عالمیہ کے مہتمم مفتی نعمان نعیم سمیت دیگر مدارس دینیہ کے مہتمین کی انتقال پر افسوس و تعزیت کا اظہاراللہ تعالی ان کی تمام دینی وسماجی خدمات کو اپنی بارگاہ میں قبول فرماکر ان کیلئے توشہ آخرت بنائے اور لواحقین پسماندگان کو صبر جمیل سے نوازے۔
