قاہرہ (نیوزڈیسک)مصر کی جامعہ الازہر نے چینی حکومت کی جانب سے سنکیانگ میں مسلمانوں کے روزے رکھنے پر پابندی عائد کرنے کی پر زور مذمت کرتے ہوئے کہاہے کہ اقوام متحدہ رویوں کو ختم کر انے میں اپنا کر دار ادا کرے ۔مصر کی جامعہ الازہر یونیورسٹی کی جانب سے جاری ایک بیان میں چین کے اس رویے کی پر زور مذمت کی گئی ہے۔ جس میں چین کے علاقے سنکیانگ میں سرکاری ملازمین ‘ طلبہ اور اساتذہ پر رمضان المبارک کے دوران روزہ رکھنے پر پابندی عائد کی گئی۔ بیان میںچین میں مسلمانوں کے خلاف ایسی ہر قسم کے جبرو استعداد کی مذمت بھی کی گئی ہے جو ان کے مذہبی حقوق اور شخصی آزادیوں پر اثر انداز ہو رہے ہیں ۔بیان میں عالمی برادری اقوام متحدہ اور انسانی حقوق کے گروپوں سے مطالبہ کیا گیا ہے کہ وہ ان رویوں کو ختم کرانے میں اپنا کردار ادا کریں۔