گال(نیوزڈیسک)پاکستان کے سینئر آل راونڈر محمد حفیظ کا باولنگ ایکشن پر ایک مرتبہ پھر اعتراض سامنے آیا ہے۔سری لنکا کے خلاف گال میں کھیلے گئے ٹیسٹ میچ میں پاکستان کی دس وکٹوں سے جیت کے بعد امپائرز نے ان کے باولنگ ایکشن کو مشکوک رپورٹ کیا۔ پاکستان ٹیم انتظامیہ نے ایکشن رپورٹ ہونے کی تصدیق کر دی۔خیال رہے کہ حفیظ نے سری لنکا کے خلاف ٹیسٹ میچ میں تیس اوررز کرائے اور دو وکٹیں حاصل کیں۔گزشتہ سال، نومبر ابو ظہبی میں نیوزی لینڈ کے خلاف ہوم سیریز کے دوران ایکشن مشکو ک رپورٹ ہونے کے بعد انہیں باولنگ سے روک دیا گیا تھا۔