اسلام آباد(این این آئی) پشاور زلمی کے چیئرمین جاوید آفریدی کی جانب سے پشاور زلمی ٹیم کے اعزاز میں روایتی پختون ڈنر کا اہتمام کیا گیا۔ تفصیلات کے مطابق چیئرمین پشاور زلمی جاوید آفریدی کی جانب سے پشاور زلمی ٹیم کے اعزاز میں روایتی پختون ڈنر کا اہتمام کیا گیا، ٹیم کی دم پخت ،
باربی کیو اور کابلی پلائو سے تواضع کی گئی۔ ڈیرن سیمی ، کارلوس بریتھ ویٹ، ہاشم آملہ اور پوری ٹیم نے لذیذ روایتی پختون ڈنر انجوئے کیا ۔ڈنر میں وفاقی وزیر مرادسعید نے بھی شرکت کی۔ اس موقع پر ڈیرن سیمی نے کہا کہ دم پخت ، کابلی پلاو اب میری فیورٹ ڈش بن چکی ہے۔
