اسلام آباد(مانیٹرنگ ڈیسک)اپوزیشن لیڈر اور مسلم لیگ ن کے صدر شہباز شریف ڈیلی میل کیخلاف مقدمہ جیت سکتے ہیں۔ سینئر تجزیہ کار ہارون الرشید کا دعویٰ ،نجی ٹی وی پروگرام میں گفتگو کرتے ہوئے ان کا کہنا ہے کہ لندن میں ایک لاءا یکسپرٹ سے بات ہوئی ہے۔
جس نے بتایا کہ شہبا زشریف کی پوزیشن مضبوط ہے۔ سابق وزیراعلیٰ شہبا زشریف نے جس ٹیم کو کیس دیا وہ ایسا کیس پکڑتے ہی نہیں جس میں جیتنے کے امکان نہ ہوں۔ڈیلی میل کے صحافی ڈیوڈ روز کی جانب سے زلزلہ متاثرین کی امداد کھانے کا الزام ثابت کرنا اس لئے مشکل ہو جائے گا کہ برطانوی حکومت کوئی بھی امداد دے اس کا آڈٹ کرتی ہے، ان کا کہنا ہے کہ حال ہی میں ایک پاکستانی نے ڈیوڈ روز کے خلاف کیس جیتا ہے۔جس پر ڈیلی میل کو 12 لاکھ پائونڈ اداکرنا پڑیں گے۔ کیس ہار جانے سے ڈیوڈ روز کو کوئی فرق نہیں پڑا اور ڈیلی میل بھی بند نہیں ہو گا ان کی انشورنس ہوئی ہے۔ہارون الرشید کا کہنا ہے کہ برطانوی صحافی ڈیوڈ روز کے وکیل شہبا زشریف کے وکیل کے ساتھ بیٹھ کر معاملات طے کریں گے۔ ہرجانے کے ساتھ شہبا ز شریف کی جانب سے معافی مانگنے کا مطالبہ کیا جائے گا۔ شہباز شریف جو بھی کریں کبھی زلزلہ متاثرین کے پیسے نہیں کھا سکتے۔
