ایڈیلیڈ(این این آئی)آسٹریلیا اور پاکستان کی ٹیموں کے درمیان دوسرا ٹیسٹ میچ( کل) جمعہ29نومبر سے 3دسمبر تک کھیلا جائیگا جوفلڈ لائٹس میں پنک بال کے ساتھ کھیلا جائے گا۔شیڈول کے مطابق دونوں ٹیموں کے درمیان پہلا ٹیسٹ میچ 21 سے 25 نومبر تک برسبین میں کھیلا جائے گا جبکہ دوسرا اور آخری ٹیسٹ میچ 29 نومبر سے 3 دسمبر تک ایڈیلیڈ میں کھیلا جائے گا۔ پاکستانی ٹیم کی

قیادت اظہر علی کرینگے ،دیگر کھلاڑیوں میں اسد شفیق، بابر اعظم، عابد علی، حارث سہیل، افتخار احمد، امام الحق، عمران خان، کاشف بھٹی، محمد عباس، محمد رضوان، محمد موسیٰ، نسیم شاہ، شاہین آفریدی، شان مسعود اور یاسر شاہ شامل ہیں۔یاد رہے کہ آسٹریلیا کو پاکستانی ٹیم پر 1-0کی برتری حاصل ہے ۔ آسٹریلیا نے پاکستانی ٹیم کو ایک اننگز سے شکست دی تھی ۔