اسلام آباد(نیوز ڈیسک)سادہ لوح افراد کو اپنی لچھے دار باتوں سے بے وقوف بنانے والے لوگ معاشرے میں بہت کامیاب ہوتے ہیں لیکن کہتے ہیں کہ سو دن چور کے ایک دن بادشاہ کا۔ ایسے لوگ جلد یا بدیر پہچان لیے جاتے ہیں۔ فراڈ کو شناخت کرنا ہو تو ا س میں تین چار خامیاں نظر آئیں گی، پہلی نشانی ہے کہ ایسے لوگ بڑے بڑے دعوے کرتے نظرآئینگے اور انکی گفتگو میں تکبر ہوگا۔ ایگزیکٹ کا جب معاملہ کھلا تو پتا چلا کہ لاکھوں ڈالرز ایگزیکٹ نے آئی ٹی ایکسپورٹ سے نہیں بلکہ جعلی ڈگریاں بیچ بیچ کر کمائے تھے ، ایسے افراد لوگوں کے جذبات سے کھیلتے ہیں، پاکیزہ انسانی رشتوں کا نام لے کر لوگوں کو اپنی جانب راغب کرتے ہیں،ا ن رشتوں کا نام وہ اپنے کاروبار کے تحفظ کے لیے استعمال کرتے ہیں اپنی گفتگو میں اللہ کے واسطے بھی دیتے ہیں، شعیب شیخ نے اپنے کاروبار کی بنیاد جھوٹ پر رکھی۔ سینے پر ہر وقت پاکستان کا جھنڈا لگائے رکھنے والے شعیب شیخ جعلی ڈگریوں کے اسکینڈل سے پاکستان کا نام دنیا بھر میں بدنام ہوا۔
مزید پڑھئے:چین : ایفل ٹاور کا ایک نیا اور دِلچسپ پہلو
