لاہور(نیوز ڈیسک) پاکستان میں بین الاقوامی کرکٹ کی بحالی کے ساتھ ہی چچا کرکٹ بھی میدان میں آگئے۔زمبابوے اور پاکستان کے درمیان ٹی ٹوئنٹٰی اور ون ڈے سیریز کا شہریوں کا بے چینی سے انتظار ہے، سیریز کی تمام تیاریاں مکمل کر لی گئی ہیں اور پہلے میچ کے تمام ٹکٹس فروخت ہوچکے ہیں۔ لاہوری اس وقت کرکٹ کے بخار میں مبتلا ہیں اسی اثنائمیں چچا کرکٹ بھی میدان میں آگئے۔ انھوں نے آج پرچم کا لباس زیب تن کر کے ایک مرتبہ پھر پاکستان زندہ باد کا نعرہ لگا دیا ہے اور گراﺅنڈ میں ٹیم کی حوصلہ افزائی کرنے کے لیے پر عزم ہیں۔