حجرہ شاہ مقیم(نیوز ڈیسک)شریف برادران نے اپنی فیڈ ملوں کو فائدہ پہنچانے کیلئے گندم کی خریداری روک دی ہے،کسان کا استحصال (ن) لیگی حکومت کا مشن بن گیا ہے ، جو کسان پاکستان بنانے کی خاطر قربانیاں دے سکتے ہیں وہ اپنے حقوق کی جنگ لڑنا بھی جانتے ،حکومت ہوش کے ناخن لے اس سے قبل کے کسان انکے ہوش اڑا دیں۔ان خیالات کا اظہار پاکستان کسان اتحا د ضلع اوکاڑہ کے صدر ملک محمد یٰسین جھجھ نے گزشتہ روز ضلع بھر میں گندم خریدسنٹرزکے دورے کے بعد حجرہ پریس کلب رجسٹرڈ میں ایک پر ہجوم میڈیا کانفرنس سے خطاب کرتے ہوئے کیا،اس موقع پر انکے ہمراہ دیگر ضلعی قائدین و مقامی کسان راہنما بھی موجو د تھے،انہوں نے کہا کہ حکومت کاشتکاروں کو کرش کرنے کا کوئی موقع ہاتھ سے جانے نہیں دے رہی ،گزشتہ روز بھی حکومت نے ضلعی افسران کو واضع ہدایات دیں ہیں کہ گندم کی خریداری روک دی جائے اور کسانوں کی زمینوں کو عملی طور پ چیک کیا جائے ،ایسے غیر دانشمندانہ فیصلوں نے جہاں کسان کی کمر توڑ کر رکھ دی ہے وہاں پنجاب کی معاشی صورتحال بھی انتہائی خراب ہو چکی ہے لوگ دو وقت کی روٹی کو ترس رہے ہیں اور حکومت دھاندلی چھپانے کے طریقے سوچ رہی ہے ،انہوں نے کہا کہ اگر گندم خریداری کو فوری طور پر تیز نہ کیا گیا اور اوچھے ہتھکنڈوں کا استعمال بند نہ ہوا تو عنقریب کسان وزیر اعلیٰ ہاؤس کے سامنے پڑاؤ ڈال دیں گے۔