اسلام آباد (نیو ز ڈیسک ) بالی ووڈ کے اداکار رنبیر کپور کا کہنا ہے کہ انہوں نے اپنی زندگی میں سلمان خان سے زیادہ نیک دل انسان نہیں دیکھا لیکن ان کے ساتھ قانونی معاملات میں کوئی بات نہیں کرسکتے۔بھارتی میڈیا کو دیئے گئے انٹرویو کے دوران رنبیر کپور ذاتی طور پر وہ سلمان خان کو کئی برسوں سے جانتے ہیں، انہوں نے اپنی زندگی میں سلمان خان سے بڑھ کر بڑے دل والا انسان نہین دیکھا۔ وہ اپنی سماجی تنظیم کے ذریعے معاشرے کی بہتری اور ضرورت مند انسانوں کی بھلائی کے لئے جو بھی کررہے ہیں وہ کسی سے دھکا چھپا نہیں۔ ہمیں چاہیئے کہ ہم ان کے نقش قدم پر چلیں اور ان کے مقصد کو آگے بڑھائیں لیکن جہاں تک قانونی معاملات کا تعلق ہے وہ ان پر کوئی رائے نہیں دینا چاہتے۔
رنبیر کپور کا مزید کہنا تھا کہ بالی ووڈ سے منسلک شخصیات سلمان خان سے اظہار یکجہتی کے لئے ان کے گھر جارہی ہیں لیکن ان کا ایسا کرنے کا کوئی ارادہ نہیں لیکن ان کی نیک خواہشات سلمان خان کے ساتھ ہیں۔واضح رہے کہ سلمان خان اور رنبیر کپور کے درمیان کچھ عرصہ پہلے تک کافی دیرینہ تعلقات تھے تاہم سلو میاں کی سابق دوست کترینہ کیف سے قربت کے بعد دونوں کے درمیان سرد مہری پیدا ہو چکی ہے۔