لاس اینجلس(نیوز ڈیسک) ہالی وڈ کی خوش پوش ترین اداکارہ مشئل ولیمز کو اس بات پر سخت صدمہ ہے کہ وہ اپنی تعلیم مکمل نہ کر سکیں اور اس کی کمی وہ ہر قدم پر محسوس کرتی ہیں خصوصاً اس وقت جب وہ اپنی بیٹی کی پڑھائی میں مدد کرنا چاہتی ہیں۔ ”دی بروک بیک ماو¿نٹین” سے شہرت کی بلندی پر پہنچنے والی اداکارہ نے ایک انٹرویو میں بتایا کہ انہوں نے اپنا لڑکپن نارمل طریقے سے نہیں گزارا اور وہ شہرت کی تلاش میں 15 سال کی عمر میں گھر سے لاس اینجلس چلی گئی تھیں۔ 34 سالہ اداکارہ جنہوں نے ایک ٹی وی شو سے مقبولیت حاصل کی تھی کا کہنا ہے کہ وہ بہت کچھ کرنے کی خواہشمند ہیں۔ ان کے پاس ایک اسکول سرٹیفکیٹ ہے جو انہوں نے ایک اشتہار میں دیئے گئے اسکول سے حاصل کیا ہے تاہم انہیں اس میں شک ہے کہ وہ صحیح بھی ہے یا نہیں۔ انہوں نے اس خواہش کا اظہار کیا کہ وہ سب کچھ چھوڑ کر ایک بار پھر کلاس روم میں بیٹھنا چاہتی ہیں لیکن وہ سمجھتی ہیں کہ وہ انٹرنس کا امتحان پاس نہ کر سکیں گی اور اپنی کم علمی کے باعث اپنی چھ سالہ بچی میتھڈا کو ہوم ورک کرانے میں دشواری ہوئی ہے۔