کراچی (نیوز ڈیسک)اداکارہ و ماڈل آرمینہ رانا خان نے کہا ہے کہ بیرون ملک کام کرنے کا تجربہ میرے لئے منفر د تھا۔ پاکستان آکر ٹی وی ڈراموں ، فلموں اور فیشن ایونٹس میں مصروفیات نے میر ی فنی صلاحیتوں کو نکھارنے میں اہم کردار ادا کیا ہے۔ معیاری پروڈکشنز فنکاروں کو ناظرین میں ایک نئی شناخت کا ذریعہ بنتی ہیں۔ میری آنے والی فلم بن روئے میں میری پرفارمنس شائقین کو پسند آئیگی۔سینئر فنکاروں ہمایوں سعید، زیبا بختیار ، ماہرہ خان اوردیگر کے ساتھ کام کرکے لطف آیا۔ ان خیا لات کا اظہار انہوں نے گزشتہ روز زیر تکمیل ڈرامہ سیریل کرب کی ریکارڈنگ کے موقع پر گفتگو کرتے ہوئے کیا۔ اس موقع پر عدنان صدیقی اور دیگر فنکاروں نے بھی اپنی ریکارڈنگ مکمل کرائی۔ اس موقع پر عدنان صدیقی نے کہا ٹی وی ڈراموں کی مصروفیات نے ہمیں دوستوں سے بھی دور کردیا ہے ، فلم یلغار کا کام ابھی باقی ہے۔ آئندہ دنوں میں موسم بہتر ہونے پر سوات میں فلم کے آخری سپیل کا آغاز ہوگا جس میں شرکت کرنے جاﺅنگا۔