اسلام آباد(نیوزڈیسک )سماجی رابطے کی ویب سائٹ ٹویٹر پر ردعمل ظاہر کرتے ہوئے ریحام خان کا کہنا تھا کہ گاڑی پٹڑی سے اتر گئی ہے۔دیر ہے اندھیر نہیں، الحمد اللہ تبدیلی کو کوئی نہیں روک سکتا۔ ریحام خان کا کہنا تھا خواجہ سعد رفیق کی پریس کانفرنس کے بعد انہیں وہ جملہ یاد ا رہا ہے جو (ن) لیگ کے ایک سیالکوٹی ایم این اے نے جوائنٹ سیشن میں کہا تھا۔ کیا اب بھی سینئر تجزیہ کار دھرنے کو ایک ڈرامہ کہیں گے؟۔ ایک فرد کا ناانصافی کے خلاف ڈٹ جانے سے نوجوان سیاستدانوں کو شفاف انتخابات لڑنے کا موقع ملے گا۔ دنیا نیوز سے خصوصی گفتگو کرتے ہوئے ریحام خان کا کہنا تھا کہ الیکشن ٹربیونل کے فیصلے سے لوگوں کو حوصلہ ملے گا۔ عمران خان 2013ئ کے انتخابات میں بار بار دھاندلی کی بات کرتے رہے۔ کنٹینر پر کھڑے ہونے پر عمران خان کو تنقید کا نشانہ بنایا گیا لیکن اج ان کی بات کو تسلیم کر لیا گیا ہے۔ عمران خان کا ہمیشہ موقف رہا کہ غلط طریقے سے منتخب ہونے والا صحیح فیصلے کیسے کرے گا؟۔ ریحام خان کا کہنا تھا کہ لاہور کے حلقہ این اے 125 کے فیصلے سے انھیں بہت خوشی ہوئی ہے۔