ممبئی (نیوزڈیسک) بالی ووڈ میں کینیڈین نڑاد اداکارہ سنی لیون کو قدم رکھے کئی برس بیتے تاہم بھارتی میڈیا آج تک ان کو قبول نہیں کرپایا ہے۔ یہی وجہ ہے کہ آئے دن ان کے حوالے سے نت نئے تنازعے سامنے آتے رہتے ہیں۔ تازہ ترین اطلاعات کے مطابق ہندی انٹرٹینمنٹ چینلز نے فیصلہ کیا ہے کہ ان کی تازہ ترین فلم ” کچھ کچھ لوچا ہے“ کی پروموشن کیلئے ان کو انٹرٹینمنٹ چینلزکے کسی بھی پروگرام میں مدعو نہیں کیا جائے گا۔ اس سے قبل سنی کی جب جسم ٹو، راگنی ایم ایم ایس ٹو ، ہیٹ سٹوری ٹو اور پہیلی لیلا ریلیز ہوئیں تو سنی کو ان کی پروموشن کیلئے چینلز کا رخ کرنے کی اجازت ملی تھی۔ اب ذرائع کا کہنا ہے کہ فی الحال چینلز کے پاس ایسا کوئی پروگرام نہیں ہے جس میں سنی کو پروموشن کی غرض سے مدعو کیا جاسکے۔ دلچسپ امر یہ ہے کہ یہی چینلز سنی کو اپنی ذاتی پروموشن کی غرض سے استعمال کرتے رہے ہیں تاہم اب ان کی سیکس کامیڈی کی پروموشن کیلئے کوئی انہیں وقت دینے کو تیار نہیں۔ اس فلم میں سنی کے مقابل رام کپور ہیں۔

مزید پڑھئے:شدھوپ آ پ کو کئی خطر ناک بیماریوں سے بچاسکتیتیار