کراچی(نیوز ڈیسک) نجی شعبے میں جاری ہاو¿سنگ اسکیموں کے باعث رواں مالی سال نو ماہ کے دوران سیمنٹ کی فروخت میں 4 فیصد اضافہ ریکارڈ کیا گیا۔آل پاکستان سیمنٹ مینو فیکچررز ایسوسی ایشن کے مطابق رواں مالی سال جولائی سے مارچ کے دوران سیمنٹ کی فروخت 4 فیصد اضافے سے دو کروڑ چھپن لاکھ ٹن رہی۔ گزشتہ مالی سال کے اسی عرصے میں دو کروڑ 47 لاکھ ٹن سیمنٹ فروخت کی گئی تھی۔ رواں سال مارچ میں سیمنٹ کی فروخت 5 فیصد اضافے کے ساتھ 24 لاکھ ٹن رہی۔ ایسوسی ایشن کے مطابق نجی شعبے میں جاری مختلف ہاو¿سنگ اسکیموں کے باعث سیمنٹ کی فروخت میں اضافہ دیکھا گیا ملکی معاشی صورتحال میں بہتری کے باعث سیمنٹ کی طلب میں مزید اضافے کا امکان ہے۔