اسلام آباد (نیوز ڈیسک )ایک نئی تحقیق کے ذریعے سائنسدان بالاخر اس نتیجے پر پہنچنے پر کامیاب ہوگئے ہیں کہ نیند کے دوران انسانی ذہن آرام نہیں کرتا بلکہ اور مشکل کام میں مشغول ہوجاتا ہے۔تحقیق سے ظاہر ہوا ہے کہ جب آپ سوتے ہیں تو ذہن آرام نہیں کرتا بلکہ مزید مربوط اندازمیں کام کرنا شروع کردیتا ہے جس کے لئے بے پناہ توانائی خرچ کرتا ہے۔نیورولوجی کے ماہرڈاکٹرجوزف پرویزی کے مطابق ” نیند کے دوران ذہن جو کام انجام دیتا ہے وہ انتہائی مربوط ہوتے ہیں اور انکے لئے بہت زیادہ توانائی درکار ہوتی ہے“۔ڈاکٹر پرویزی اور ان کی ٹیم نے تین رضاکاروں پر تجربی کیا جن کے دماغ میں الیکٹروڈ لگائے گئے تھے۔رضاکاروں سے آسان سوال پوچھے گئے جیسے صبح آپ دفتر گئے یا نہیں؟ اور اس کے بعد ہوتا کیا ہے کہ اس سوال کا جواب دینے کے لئے بھی انسانی ذہن میں بہت سی تحریکات جنم لیتی ہیں جن میں گزشتہ باتوں کا یاد آنا شامل ہیں۔اس تجزیے کے بعد ماہرین نے ان افراد کو سونے کے لئے بھیج دیا اور وہ یہ جان کر حیران رہ گئے کہ ان کا ذہن نیند لینے کے دوران آج کے واقعات کی یاداشت کا متبادل محفوظ کرسکے اور مستقبل میں اس معلومات کو کام میں لاسکے۔اس تحقیق سے یہ بات بھی سامنے آئی کہ انسانی ذہن کبھی بھی نہیں سوتا اور پوری زندگی لگاتار کام کرتا رہتا ہے۔