اسلام آباد(مانیٹرنگ ڈیسک)ن لیگ کے رہنما حنیف عباسی کی جانب سے بنی گالہ اراضی خریداری معاملے پر سپریم کورٹ میں ایک اور متفرق درخواست دائر، عمران خان کے موقف اور جوابات میں تضاد ہے، درخواست

میں موقف۔ تفصیلات کے مطابق ن لیگ کے رہنما حنیف عباسی نے بنی گالہ اراضی خریداری معاملے پر سپریم کورٹ میں ایک اور متفرق درخواست دائر کر دی ہے۔ گزشتہ روز دائر کی گئی درخواست میں موقف اختیار کیا گیا ہے کہ عمران خان نے بنی گالہ اراضی خریداری معاملے پر مختلف موقف اپنائے ہیں، پہلے موقف میں عمران خان ک کہنا تھا کہ اپنے لیے زمین جمائمہ کے نام خریدی،دوسرا موقف زمین جمائمہ خان اور بچوں کے لیے خریدی،اب کہتے ہیں بنی گالہ اراضی جمائمہ خان نے خود خریدی،عمران خان نے اپنے جواب میں جمائمہ سے قرض لینے کے حقائق کو بھی دبا دیا، عمران خان کا نیا موقف مکمل طور پر پہلے تحریری جوابات سے انحراف ہے،عمران خان نے 2002 کے کاغذات نامزدگی میں 65 لاکھ رقم کو تحفہ نہیں،ایڈوانس ادائیگی بتائی،نیازی سروسز کے اکاونٹ کی رقم عمران خان کا اثاثہ تھی،اکاونٹ کی رقم کو ظاہر کرنا عمران خان کی ذمہ داری تھی۔ درخواست میں حنیف عباسی نے اپنے موقف میں کہا ہے کہ عمران خان نے بنی گالہ اراضی اپنی سابقہ اہلیہ جمائمہ کے نام بے نامی خریدی جس کااعتراف جمائمہ نے اپنے پاور آف اٹارنی میں کیا ہے۔ عمران خان کا تازہ نیا موقف خود ساختہ اور پہلے جوابات کے خلاف اور متضاد ہے۔