کراچی (نیوز ڈیسک)ایم کیو ایم کے کارکن صولت مرزا کو 19 مارچ کو مچھ جیل میں پھانسی دے دیے جانے کا حتمی فیصلہ ہو گیا۔ مچھ جیل کی سیکیورٹی کو بڑھا دیا گیا ہے‘ مچھ جیل کے اطراف راستوں پر ایف سی اور پولیس کے ناکے بھی لگا دیے گئے ہیں۔ آر پی او نے بھی مچھ جیل کا دورہ کیا‘ اس موقع پرجیل سپریٹنڈنٹ نے بتایا کہ جیل کے سیکیورٹی پلان پر عملدرآمد شروع ہو گیا ہے۔ ایم کیو ایم کے کارکن صولت مرزا کو سیکیورٹی خدشات کے پیش نظر کراچی جیل سے مچھ جیل منتقل کیا گیا تھا اور اب مچھ جیل میں ہی پھانسی دی جائے گی۔