لاہور (آئی این پی) پاکستان سپر لیگ (پی ایس ایل) کا فائنل لاہور میں کرائے جانے کے اعلان کے بعد پاکستان ہاکی فیڈریشن نے رواں سال پوری کی پوری ہاکی لیگ ہی لاہور میں کرانے کا اعلان کر دیا ہے۔ نجی ٹی وی اے آر وائی نیوز کے مطابق پاکستان ہاکی فیڈریشن (پی ایچ ایف) کے سیکرٹری شہباز سینئر نے رواں سال ہاکی
لیگ کرانے کا اعلان کیا ہے اور امید ظاہر کی ہے کہ پنجاب حکومت ہاکی لیگ کرانے کی اجازت دیدے گی۔ ان کا کہنا ہے کہ پاکستان ہاکی لیگ کرانے کی منصوبہ بندی کی جا رہی ہے اور غیر ملکی کھلاڑیوں کے ساتھ رابطے میں ہیں جن میں سے متعدد نے پاکستان آنے پر رضامندی ظاہر کر دی ہے۔
