اسلام آباد(مانیٹرنگ ڈیسک)پاکستا ن سپر لیگ کی فرنچائز پشاور زلمی کے مالک جاوید آفریدی نے جیت کی صورت میں جشن آرمی پبلک سکول کے بچوں کے ساتھ منانے کا اعلان کردیا۔ان خیالات کا اظہار انہوں نے میڈیا سے گفتگو کرتے ہوئے کیا ۔
جاوید آفریدی نے کہا کہ زلمی کے کھلاڑی لاہور میں پی ایس ایل کے فائنل میں حصہ لینے کیلئے مکمل طور پرتیار ہیں اور اگر پشاور زلمی نے پاکستان سپر لیگ کا فائنل جیتا تو ان کی ٹیم آرمی پبلک سکول (اے پی ایس ) کے ساتھ پشاور میں فتح کا جشن منائے گی ۔
