لاہور(مانیٹرنگ ڈیسک) پاکستان سپرلیگ کے چیرمین نجم سیٹھی نے کہاہے کہ پی ایس ایل کافائنل لاہورمیں ہی کرانے کاحتمی فیصلہ ہوگیاہے ۔انہوں نے کہاکہ پاکستانی عوام کی خواہش کے مطابق پی ایس ایل فائنل لاہورمیں ہورہا ہے،پی ایس ایل کا فائنل 5 مارچ کولاہورمیں ہوگا۔میڈیا سے گفتگو میں نجم سیٹھی نے اعلان کیا کہ پاکستان سپر لیگ کے فائنل کی ٹکٹوں کی فروخت کل سے شروع ہوجائے گی۔
انہوں نے کہ آن لائن اور آؤٹ لیٹ سے ٹکیں ملیں گی،آن لائن ٹکٹس کل سے دستیاب ہوں گی،آؤٹ لیٹس پرٹکسٹس پرسوں سےفروخت ہوںگی۔نجم سیٹھی نے کہاکہ کہ پی ایس ایل فائنل کے ٹکٹس کی قیمتیں5سو،4ہزار،8 ہزاراور12ہزارہونگی۔انہوں نے کہاکہ پی ایس ایل کے لاہورمیں انعقاد کے بعد اسی سال بین الاقوامی کرکٹ بھی پاکستان میں شروع ہوجائے گی ۔انہوں نے کہاکہ اس معاملے میں کئی غیرملکی ٹیموں سے رابطے میں ہیں ۔
