واشنگٹن (آ ئی این پی ) امریکہ نے کیوبن شہریوں کو بغیر ویزا امریکہ میں رہنے کی اجازت دے دی ، کیوبا کا خیر مقدم ۔ امریکی میڈیا کے مطابق مریکی صدر براک اوباما نے کیوبا کے شہریوں کو امریکہ پہنچنے پر ویزا کے بغیر ملک میں رہنے کی اجازت ختم کر دی ہے جس پر کیوبا کی حکومت نے امریکی صدر براک اوباما کے اس فیصلے کا خیر مقدم کیا ہے ۔کیوبن حکومت کے مطابق اس فیصلے کی وجہ سے ملک میں برین ڈرین ہو رہا تھا اور ہزاروں کی تعداد میں کیوبا کے شہری اپنی جانوں کو خطرے میں ڈال کر امریکہ جانے کی کوششیں کرتے تھے۔
ہوانا میں حکومت نے کہا کہ اس پالیسی کو ختم کرنے سے دونوں ملکوں کے روابط کو اور تقویت ملے گی۔کیوبا کے سفیر برائے امریکی معاملات جوزفینا ودال نے کہا کہ: لوگوں کی منتقلی سے نہ صرف کیوبا کی اپنی بلکہ امریکہ کی بھی سیکورٹی متاثر ہو رہی تھی۔ ان امتیازی قوانین کی وجہ سے انسانی سمگلنگ، فراڈ اور تشدد پر مبنی جرائم مرتکب ہو رہے تھے۔صدر براک اوباما نے اپنے بیان میں کہا:
فوری نفاذ کے ساتھ، کوئی بھی کیوبا کا شہری اگر امریکہ میں غیر قانونی طریقے سے داخل ہوتا ہے تو اگر وہ انسانی حقوق کے تحت مدد کا حقدار نہیں بنتا تو اس کو امریکی داخلہ قوانین کے مطابق ملک سے دربدر کر دیا جائے گاانھوں نے مزید کہا کہ اس قدم کے لینے سے ہم کیوبا کے شہریوں کے ساتھ ویسا ہی برتا کر رہے ہیں جیسا کہ دوسرے ممالک کے شہریوں کے ساتھ کرتے ہیں۔ کیوبا کی حکومت نے بھی حامی بھری ہے کہ وہ نکالے جانے والے شہریوں کو ملک میں واپس لے گی۔