انقرہ(این این آئی)ترکی میں بر ف میں پوری طرح چھپی مسجد کا صرف مینارنظرآنے کی تصویر سوشل میڈیا پر وائرل ہوگئی،میڈیارپورٹس کے مطابق سوشل میڈیا پر بعض تصاویر زیر گردش ہیں جن میں ترکی کے شہر آغری میں برف سے ڈھکی سڑکوں اور گھروں کو دکھایا گیا ہے جب کہ برف میں پوری طرح چْھپی مسجد کا مینار آنکھوں کو خیرہ کر رہا ہے۔

مذکورہ مینار ترک شہر کے نواحی گاؤں “باش شاوِش” کی ایک مسجد کا ہے۔ یاد رہے کہ ترکی میں بہت سے علاقے اور تفریحی مقامات ہیں جہاں ہر سال ڈھیروں برف باری کے سبب لوگوں کی ایک بڑی تعداد برف پر ” اِسکی اِنگ” کا شوق پورا کرنے آتی ہے۔‎