اسلام آباد(مانیٹرنگ ڈیسک)پاکستان تحریک انصاف کے سربراہ عمران خان کی سابق اہلیہ ریحام خان نے صوبائی وزیر قانون رانا ثناء اللہ کو کھری کھری سنا دیں۔ نجی ٹی وی پروگرام میں گفتگو کرتے ہوئے ریحام خان نے کہا کہ رانا ثناء اللہ ہوتے کون ہیں جو اپنے پاس سے میری کتاب کو جواز بنا کر عمران خان کیخلاف پریس کانفرنس کر رہے ہیں؟ نجی ٹی وی پروگرام میں گفتگو کرتے ہوئے ریحام خان نے کہا کہ پنجاب حکومت پہلے اپنے شہریوں کو پانی جیسی سہولت تو دے۔ ریحام خان نے کہا کہ خدا کا واسطہ ہے۔ میرا نہ ہی عمران خان کے گھر سے کوئی تعلق رہا نہ اس سیاسی جماعت سے اور نہ ہی رانا ثناء اللہ جیسے کسی وزیر سے کوئی تعلق۔ نہ ہی میں نے کبھی رانا ثناء اللہ سے گفتگو کی اور نہ میرا ان سے کبھی کوئی تعلق رہا۔ ریحام خان نے اپنی کتاب کے حوالے سے گفتگو کرتے ہوئے کہا کہ میری مرضی ہے کہ میں جو بھی لکھوں ۔ ریحام خان نے کہا کہ رانا ثناء اللہ جھوٹ بولتے ہیں کہ انہوں نے مجھ سے کتاب کی کنفرمیشن لی ہے۔ میرے فرشتوں کو بھی خبر نہیں اور وہ میری کتاب کی بنیاد پر پریس کانفرنسز کر رہے ہیں۔ انہیں حق ہی نہیں پہنچتا۔ریحام خان نے کہا کہ ایسے لوگوں کو شرم آنی چاہئے جو جھوٹ بولتے ہیں۔

موضوعات:ریحام خان عمران خان