اوول (نیوز ڈیسک) چوتھے ٹیسٹ میں پاکستانی کھلاڑیوں پر نئی پابندی لگا دی گئی۔ تفصیلات کے مطابق پاکستان کرکٹ ٹیم جو کہ دورہ انگلینڈ پر ہے اور ایسے موقع پر چیئرٹی ڈنرز کا اہتمام کیا جاتا ہے مگر اس مرتبہ پی سی بی نے اوول ٹیسٹ میں منتخب کھلاڑیوں کو ایسے کسی ڈنر میں جانے سے سختی سے منع کر دیا ہے۔ واضح رہے کہ قومی ٹیم کے کھلاڑیوں نے شاہد آفریدی فاؤنڈیشن کے ڈنر میں بھی شرکت کرنا تھی۔ پی سی بی نے یہ فیصلہ کسی بھی ناخوشگوار حالات سے بچنے کیلئے حفظ ماتقدم کے طور پر اٹھایا ہے تاکہ انگلش میڈیا سمیت کسی کو بھی کھلاڑیوں کے بارے میں کوئی بھی بات کرنے کا موقع نہ ملے۔