اوول (آئی این پی) پاکستان کر کٹ ٹیم کے نوجواب اوپنر سمیع اسلم اوول ٹیسٹ جیت کر سیریز برابر کرنے کے لیے پرعزم ہیں ۔ میڈیا سے گفتگو کرتے ہوئے قومی اوپننگ بلے باز سمیع اسلم کا کہنا تھا کہ برمنگھم ٹیسٹ میں میزبان ملک کے باؤلرز نے شاندار باؤلنگ کرائی اور بلے بازوں کو کریز پر ٹکنے نہ دیا ۔ پاکستان کے ابھرتے اوپننگ بیٹسمین سمیع اسلم نے کہا کہ بدقسمتی سے انگلینڈ سے تیسرا ٹیسٹ میچ ہارے ، اوول میں شروع ہونے والا ٹیسٹ میچ جیت کر سیریز برابر کرنے کے لیے پرعزم ہیں ۔ پاکستان اور انگلینڈ کا چوتھا ٹیسٹ آج سے لندن کے اوول گراؤنڈ میں شروع ہو رہا ہے ۔ 4 میچوں کی سیریز میں انگلش ٹیم کو 1-2 کی برتری حاصل ہے ۔