لاہور ( این این آئی) پاکستان کرکٹ بورڈ نے افغان کرکٹ لیگ کے لیے کھلاڑیوں کو این او سی جاری کرتے ہوئے واضح کیا ہے کہ وہ سکیورٹی کے خود ذمہ دار ہوں گے۔افغان کرکٹ لیگ 9اگست سے کابل میں شروع ہو رہی ہے،پاکستان کرکٹ بورڈ نے ناصر جمشید،سلمان بٹ،کامران اکمل،محمد آصف،خالد لطیف اور محمد سمیع کو افغان کرکٹ لیگ کھیلنے کے لئے این او سی جاری کیاہے۔بورڈ حکام کی جانب سے مذکورہ کھلاڑیوں کو واضح کیا گیا ہے کہ وہ افغانستان میں اپنی سکیورٹی کے خود ذمہ دار ہونگے جبکہ افغان کرکٹ لیگ 19اگست تک جاری رہے گی۔