اسلام آباد(مانیٹرنگ ڈیسک)مارٹینا ہنگز اور ثانیہ مرزا راجرز کپ ویمنز ڈبلز مقابلوں کے کوارٹر فائنل میں شکست کے بعد ایونٹ سے باہر ہوگئیں ہیں ،انہیں امریکا کی کرسٹینا میک ہیل اور آسیہ محمد نے شکست دی۔ تفصیلات کے مطابق مونٹریال میں جاری ٹینس ٹورنامنٹ کے ویمنز مقابلوں کے کواٹر فائنل مرحلے میں عالمی نمبر ایک جوڑی سوئٹزرلینڈ کی مارٹینا ہنگز اور بھارت کی ثانیہ مرزا کو امریکن جوڑی کرسٹینا میک ہیل اور آسیہ محمد کے ہاتھوں سٹریٹ سیٹس میں شکست کا سامنا کرنا پڑا فاتح جوڑی کا سکور 4۔6اور 3۔6تھا۔ اس شسکت پر ثانیہ مرزا نے گہری مایوسی کا اظہار کیااور آبدیدہ ہو گئیں۔