اسلام آباد(مانیٹرنگ ڈیسک)بھارت میں کرکٹ میچ کے دوران بہیمانہ تشدد کا نشانہ بننے والے ایک اورنوجوان کرکٹر کی موت واقع ہوگئی۔ 22 سالہ آکاش نیکم پر مقامی میچ کے دوران ایک گروہ نے اچانک حملہ کردیا، انھیں ہاکی اسٹکس اور سلاخوں کے ساتھ بیدردی سے پیٹا، جس سے انھیں اندرونی چوٹیں آئیں، جن کی تاب نہ لاتے ہوئے وہ اسپتال میں دو دن بعد جان کی بازی ہار گئے۔ مقتول کے بھائی سنی کا کہنا ہے کہ آکاش اور لکشمن کا کچھ روز قبل جھگڑاہوا تھا، لکشمن ہمارے گھر پر آیا، اس وقت میرا بھائی موجود نہیں تھا، اس نے آکاش کو نقصان پہنچانے کی دھمکیاں دیں، تب میں نے ان کو سنجیدگی سے نہیں لیا مگر اس نے میرے بھائی کی جان لے لی، پولیس نے تفتیش شروع کردی ہے ۔