ممبئی(نیوز ڈیسک )بولی ووڈ سٹار انوشکا شرما کا کہنا ہے کہ دیوالی منائیں مگر جانوروں کا بھی خاص خیال رکھیں۔ اداکارہ انوشکا شرما کی طرف سے حال ہی میں جانوروں کی حفاظت کے پیش نظر ایک مہم کا آغاز کیا گیا ہے۔ اداکارہ اس مہم کے زریعے لوگوں میں شعور اجاگر کرنا چاہتی ہیں ہیں انکی تھوڑی سی تفریح جانوروں کی زندگی پر کس قدر بھیانک اندازمیں اثرانداز ہوتی ہے۔واضح رہے بہت ذیادہ شور پرندوں اور جانوروں خصوصاً کتوں کیلئے انتہائی نقصان دہ ہوتا ہے۔ رپورٹ کے مطابق محض دیوالی کے موقع پر چلائے جانے والے پٹاخوں سے برپا ہونے والے شور سے لاکھوں پرندے اور جانور اپنی زندگی گنوا بیٹھتے ہیں۔اداکارہ نے حالیہ انٹرویو کے دوران میڈیا سے بات چیت کرتے ہوئے بتایا کہ اب وہ بچوں کی طرح پٹاخے چلا کر دیوالی ہر گز نہیں منائیں گی۔ اداکارہ کا کہنا تھا کہ اگر مجھے بچپن میں ہی سکھا یا جاتا کہ میرے پٹاخے چلانے سے کتنے جانوروں کی زندگیاں متاثر ہوں گی تو میں کبھی بھی ایسا نہ کرتی۔ انوشکا شرما نے میڈیا کو بتایا کہ ہماری عوا م میںان باتوں سے متعلق آگاہی کی کمی ہے۔انکا کہنا تھا کہ پس اگر عوام کوان باتوں سے مکمل آگاہی فراہم کر دی جائے تو لازماً انکے اندر جانوروں کیلئے محبت بیدار ہوگی اور وہ انکی حفاظت کا خیال رکھیں گے۔